Kina do të shtojë përkrahje për ndërmarrje të mesme dhe të vogla tekniko-shkencore
2006-11-25 21:11 cri

Korrespondenti i Radios së jashtme të Kinës njoftoi se funksionarja e Ministrisë së Shkencës dhe Teknikës së Kinës që përgjigjet për objektet e krijimeve të reja tekniko-shkencore, znj Xiu Xiaping tha më 25 nëntor në Pekin se vitet e fundit, Kina ka shtuar përkrahje për ndërmarrje të mesme dhe të vogla tekniko-shkencore dhe deri tani, fondi për krijimet e reja të ndërmarrjeve të mesme dhe të vogla që është vendosur nga Ministria e Shkencës dhe Teknikës ka ndihmuar më se 7000 objekte të ndërmarrjeve të mesme dhe të vogla.

Gjatë pjesëmarrjes në një mbledhje përkatëse, Xiu Xiaping tha se vitet e fundit, duke bashkëpunuar me institucionet përkatëse monetare, deri në fund të vitit të kaluar, kjo ministri u ka dhënë ndërmarrjeve të mesme dhe të vogla tekniko-shkencore 2 miliardë e 600 milionë yuanë kredi.


Vëllimi i importimit të teknologjive në Kinë i kaloi 37 për qind
2006-11-24 19:30 cri

Sipas njoftimeve të Radios së Jashtme të Kinës, sipas të dhënave statistikore të publikuara nga Ministria e Tregtisë e Kinës, në 10 muajt e parë të këtij viti, në Kinë janë nënshkruar 8692 kontrata për importimin e teknologjive me një vlerë të përgjithshme prej 187 miliardë e 7430 milionë dollarësh, shifër kjo që u shtua 37.1 për qind në krahasim me të njëjtën periudhë të vitit të kaluar.

Sipas këtyre të dhënave statistikore, gjatë 10 muajve të parë të këtij viti, Kina importoi më shumë teknologji nga Bashkimi Evropian dhe pastaj Japonia dhe SHBA-ja.

Sipas të dhënave statistikore, sektori hekurudhor është sektori që ka importuar më shumë teknologji të huaja në Kinë.


Vëllimi i investimeve të sektorëve kinezë të komunikacionit këtë vit do të arrijë në 938.4 miliardë juanë
2006-11-24 16:27 cri

Sikurse njoftoi Agjencia Kineze e Lajmeve Hsinhua, që nga fillimi i këtij viti është ruajtur gjithmonë prirja e rritjes së shpejtë të investimeve të sektorëve kinezë të komunikacionit si pasuri e palëkundshme. Vëllimi i investimeve të kësaj natyre do të arrijë në 938.4 miliardë juanë, shifër kjo që u rrit 18.4 % në krahasim me vitin e kaluar.

Zv-kryetari i Komisionit Shtetëror Kinez i Zhvillimit dhe Reformës, Zhang Mao? bëri të ditur më 23 nëntor se gjatë 9 muajve të parë të këtij viti u ndërtuan në Kinë 1326 kilometra rrugë të reja hekurudhore. Siç parashikohet, gjatësia e autostradave të reja të ndërtuara këtë vit në Kinë do të arrijë në 3000 kilometra.